2021年7月29日 星期四

未來見!


今日朋友正式出發去英國,認識佢超過十年。

條友中三果陣已經六呎,但竟然坐係最前面,岩岩好擋住我睇黑板 (我真係頂佢...)。兩個求學過程好似,兩個都係好L鍾意讀書,但高考太懶收左皮,副學士碌上大學後,從此珍惜機會發奮讀書,又或想証明自己唔係蠢材,大學畢業後囉獎學金繼續讀上去,最後兩個人都選擇唔讀PhD就逃離大學。因為人生短暫,畢業後做左好多嘗試,做工程師,創業,去大陸工作感受文化衝擊,總之諗倒既都有試下⋯⋯到宜家又創業全職開鋪做店長,閒時自己讀下技術書。條友反而係呢段時間讀多兩個碩士,佢同我講:「依然想証明自己唔係讀唔倒書。」。呢幾年佢閒時係大學教下書,好平淡但又好係佢。兜兜轉轉,我地兩人都依然係想搵機會完成埋個PhD學位。

呢幾年香港愈黎愈唔正常,兩個人既危機意識亦愈黎愈重,出黎見面都係討論緊近排香港點樣。好多嘢上綱上線得好嚴重,伍家朗就係一例,有啲咩嘢緊要過運動員果刻既參賽狀態?若果真係咁唔滿意,點解唔可以善意私底下聯絡伍家朗提提佢?一定要出個PO令到伍家朗承受不必要既壓力?先唔講立場,單純討論處理手法已經令人無言。有人話:「一個人辭職係經過深思熟慮,經過好多思想同情感上既掙扎,到遞信果刻係無人挽留倒。」 明既,最後兩人都決定投身英國,或者呢啲就係緣分。








1 則留言:

  1. 謝謝Robot分享
    不斷求學,仲有工作中,不容易
    離開和留意下,都尊重

    回覆刪除